Maelfu ya wanajeshi wa Congo kushtakiwa kwa kuwakimbia waasi wa M23

 

CHANZO CHA PICHA,MOISE NIYONZIMA / EPA

Mamlaka ya Congo itawahukumu wanajeshi wasiopungua 75 siku ya Jumatatu kwa kuwakimbia waasi wa M23 wanaoungwa mkono na Rwanda katika eneo la Kivu Kusini kwa kusababisha vurugu dhidi ya raia, ikiwa ni pamoja na mauaji na uporaji, ofisi ya mwendesha mashtaka wa kijeshi ilisema Jumapili.

Umoja wa Mataifa umeripoti ukiukwaji mkubwa ikiwa ni pamoja na mauaji, ubakaji wa genge na utumwa wa kingono kufuatia kuingia kwa waasi wa M23 mwishoni mwa mwezi Januari na hatimaye kuuteka mji mkuu wa Goma mashariki mwa Jamhuri ya Kidemokrasi ya Congo.

CHANZO CHA PICHA,AFP

Wapiganaji wa M23, wanajeshi wa Congo na wanamgambo wanaoiunga mkono serikali wote walihusishwa, ofisi ya Umoja wa Mataifa ya haki za kibinadamu iligundua.

Congo haijatoa maoni yoyote kuhusu ripoti zinazohusu wanajeshi wake, lakini ilitoa wito kwa Umoja wa Mataifa kuchunguza ukiukaji unaoulaumu waasi wa M23 na Rwanda.

Rwanda, ambayo inakanusha kuunga mkono kundi hilo, imekataa kuwajibika kwa lolote.

Waasi wa M23 hawajajibu ombi la kutoa maoni yao.

Licha ya kutangaza kusitisha mapigano kwa upande mmoja, waasi hao wameendelea kusonga mbele kuelekea kusini katika mji mkuu wa Kivu Kusini, Bukavu.