DRC yathibitisha itakutana na M23 kesho Angola

CHANZO CHA PICHA,GETTY IMAGES

Jamhuri ya Kidemokrasia ya Kongo (DRC) itatuma ujumbe nchini Angola siku ya Jumanne kwa jailli ya mazungumzo yenye lengo la kusuluhisha mzozo unaoendelea dhidi ya waasi wanaoungwa mkono na Rwanda mashariki, ofisi ya rais ilisema Jumapili.

Angola ilisema wiki iliyopita kuwa mazungumzo ya moja kwa moja ya amani kati ya DRC na waasi wa M23 yataanza katika mji mkuu wa Angola Luanda mnamo Machi 18.

Rais Felix Tshisekedi, ambaye kwa muda mrefu amefutilia mbali mazungumzo na M23, alikuwa akifikiria kubadili msimamo wake baada ya uungwaji mkono wa kikanda kwa Kongo ukipungua.

"Kwa wakati huu, hatuwezi kusema ni nani atakayekuwa sehemu ya ujumbe," msemaji wa ofisi ya rais Tina Salama alisema.

M23 imekubali kupokea mwaliko wa Angola, msemaji wake Lawrence Kanyuka alisema siku ya X Jumapili, bila kusema kama itashiriki.

M23 ilitoa madai kadhaa baada ya mazungumzo hayo kutangazwa, ikiwa ni pamoja na kumtaka Tshisekedi aeleze hadharani dhamira yake ya kujadiliana nao moja kwa moja.

Angola imekuwa ikijaribu kusuluhisha na kusitisha vita ya kudumu na kupunguza mvutano kati ya Kongo na nchi jirani ya Rwanda, ambayo imekuwa ikishutumiwa kuunga mkono kundi la waasi linaloongozwa na Watutsi la M23. Hata hivyo, Rwanda inakanusha tuhuma hizo.

Download/Pakua/Install App ya Abedijr kupitia google crome Bofya Hapa

                               app hii aipatikani google playstore ka sasa hupatikana kwenye wavuti yetu hii